I ejic di studenc de la Scola Ladina de Fascia

Data

13 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A la fin de n an de scola, dajon na veièda ai resultac arjonc da nesc joegn te la scola populères, te la mesènes e te la scola auta
Nesc joegn l’é nosc davegnir. Per chest sion jic a dèr na veièda ai resultac che i à abù te la scoles de Fascia. Sion ponté demez da la populères ruan a descorir i numeres de la matura de chest an.

Mia pruma scoles: populères e mesènes

Ponton demez nosc viac anter i resultac de la Scola Ladina de Fascia parlan di resultac de nesc picoi che va a la populères. A Cianacei, olache l’é 142 scolees, a Poza con 160, e a Vich, che n conta 81, duc i é passé. Demò a Moena, anter i 133 bec no n’é passà demò un te la clas seconda. Donca, podon ge fèr de bie complimenc a duc per se aer dat jù fora per dut l’an!

Ruon ades a rejonèr de la scola mesènes. A Ciampedel su 88 scolees, anter la 6 clasc, un bez de la clas seconda no l’é passà e doi studenc de terza no i é stac ametui a l’ejam. Anter i 134 scolees de Poza, un student no l’é passà a la terza clas e doi no i é stac ametui a l’ejam. A Moena, su 100 studenc, doi no i à passà la seconda clas e un no l’é stat ametù a l’ejam dò la terza.

De più sui resultac de l'ejam de terza mesèna, su la scola autes e su la matura su la Usc 27 di 12 de messèl.  (Nicoletta Riz )