Portèr l’Esser più en aut, tel legn

Data

16 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L simposie de scultura sun Bufaure “Mostra chi 6” à sport stimoi de riflescion e calità conzetuala e tecnica te l’èrt. Event garatà per chesta pruma edizion, venta da Daniela Romagnoli
L’aea per titol “Mostra chi 6” l nef event che é stat metù a jir sun Bufaure chest istà per endrez de “Only Light”, na agenzìa de servijes che da egn te Fascia se cruzia de evenc e consulenzes, semper con n eie ascort a valorisèr ence l’aspet spiritual apede a che material.

Per 5 dis, da mèrtesc ai 2 enscin en sabeda ai 6 de messèl, 6 artisćse à sproà a creèr sia opera zipian fora na bora de legn, aldò de na formula jà sperimentèda te Fascia col Simposie Toni Gross.

Arianna Gasperina, Michael Levchenko, Lionello Nardon, Daniela Romagnoli, Vinzenz Senoner e Gianluigi Zeni se à empenentà, trei al Refuge El Zedron su Bufaure de Sora e trei junsot, al Baita Cuz, con n tem dassen enteresssant e fon: meter al luster sie “esser”... per no desmentièr da olache te vegnes e olache te vès, dijea l sot titol.

En domenia ai 7 de messèl per la premiazion l gran barcon del refuge Baita Cuz era dut fornì sù con toaa biences, cheres de legn, fiores e scedoles: na cornisc de chiet e armonìa che valorisèa la 6 operes che fajea bela parbuda una apede l’autra. I fruc del lurier, de l’ispirazion, de la capazità tecnica di 6 zipiadores, che i ghesć aea vedù ciapèr forma fora per la setemèna, era vertesc: apede demò n numer e dedant i 6 componenc de la jurìa jà al lurier per fèr sia valutazions.

De più su la Usc 27 di 12 de messèl.  (Lucia Gross)