Zanardi... e i etres: che forza!

Data

21 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dai 8 ai 18 de messèl se à arcedà te Fascia la nazionèla paralimpica de roda, con n muie de steiles, e sun dutes chela più sgalizenta de Alex Zanardi
Alex Zanardi no l’à de besegn de gran prejentazions: nasciù a Bologna del 1966, l’é stat n pilot de auto e kart. Del 2001 te n burt azident l’à risià de morir e l’é restà zenza la giames, ma de grazia a sia forza de carater e spirit positif l se à fat ite tel mond di sport paralimpics, ruan a vadagnèr 6 medaes a la Paralimpiades e l’à vadagnà gran nonzech ence desche condutor televisif. L’à azetà con gran desponibilità de responer a vèlch domana per i letores de La Usc.

Te voscia vita siede stat metù a dura proa: olà troède la forza per peèr via da nef?
Gé son na persona cognosciuda e la jent veit soraldut me, ma bèsta ge dèr na veièda ai etres joegn che l’é chiò per veder che n’é ence de chi che à problemes de desabilità trop più pesoches che i mie e che anché i farà 50 o 60 chilometres con sia roda. Daìte da ogneun l’é vèlch che vegn fora tel moment del besegn per didèr a se la fèr cà... la maor pèrt i é bogn de meter endò la robes a post, amancol dal pont de veduda emotif, de se domanèr che che se pel fèr con chel che é restà... e a la fin te te n adès che con chel che l’é restà te pes fèr amò trop de più che chel che serf a empienir l temp che t’ès. Gé é n muion de projec che cogne tegnir te na crigna ajache no se pel fèr dut. Te chest moment son conzentrà te la robes che é cernù de fèr, che me fèsc levèr ogne dì content e engaissà. Anter chestes, fin canche l fisich me l consent, l’é de segur ence jir con la roda.

Podede lejer l'intervista entrìa su La Usc 28 di 19 de messèl  (Lucia Gross)