Ladin e jazz de calità te teater Navalge

Data

20 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Martina Iori con sia band e i catalans Felix Rossy e Rita Payés à portà a Moena per la rassegna JMMJ sons rafiné e lengac desferenc
Semper gustegola, lijiera e ironica, desche canche jai 5 egn, de nience 18, l’aea tacà a se esibir su la scena venjan i festival de mendranza Suns e Liet International, Martina Iori se à prejentà en domenia ai 14 de messèl, dì de l’unità ladina, su la paladina del teater Navalge de Moena per l conzert de scomenz de la seconda edizion de la rassegna JMMJ, Joegn, Mendranzes e Musega Jazz, metù a jir da la sociazion La Grenz con a cef Enrico Tommasini tel chèder del Fassa Panorama Music. Pech temp dò l’aer veduda en direta a la televijion nazionèla per la Maratona de la Dolomites, n muie de jent, tropes si sostegnidores fascegn e ladins, ma ence foresć, i à podù l’aprijièr e ge bater la mans te Fascia, olache l’à portà dant sia cianties, soraldut per fascian ma vèlch una ence per talian, che fèsc pèrt de sia CD »Amor e Buscofen«. Cianties desche Mèrz, L mèl de viver, Via con mia musega e autres, che i fan de Martina cognosc oramai adiment, ma che tel temp, con l’esperienza concostèda da noscia musizista e ciantautora dedant al publich e con i neves rangiamenc fac con la neva band, i ciapa na saor semper più neva, madura e de gran calità. Compagnèda dai sonadores »storics« Marco Stagni al contrabas e Enrico Tommasini a la baterìa, e dai neves Matteo Cuzzolin al sax tenor e Matteo Rossetto a la chitara eletrica, Martina à ampò tacà sia esibizion da soula, portan dant demò con ousc e chitara Ló che i pré, sia verscion de La cianzon de Val de Fascia, con chela che la taca semper si conzerc per palesèr sie leam fon con sia tera e sie lengaz.

De più su La usc 28 di 19 de messèl  (Lucia Gross)