Coluna sort de strèda per Sort?

Data

22 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L Comun de Moena à ciapà l finanziament da la Provinzia per fèr na strèda provisoria per portèr jù l legnam. Endèna no se rejona più de na circonvalazion
Al prum de messèl l president de la Provinzia de Trent Maurizio Fugatti à sotescrit l’ordenanza per aproèr i intervenc de ressanament di Comuns e la operes de protezion zivila per ge fèr front ai dans caujé dal tormen Vaia de la fin de otober del 2018. Sun chest capitol l’é stat ametù a finanziament ence la viabilità de by pass a la frazion de Sort, n intervent che l Comun de Moena à de besegn de fèr più prest che l’é meso per recuperèr l legnam crodà. Per n saer de più aon domanà fora l’ombolt Edoardo Felicetti.

De na neva viabilità de Sort se n’aeel jà descoret o dut él nasciù te chest ultim temp?  

Edoardo Felicetti: Dut l’é partì dal fat che se cogneava troar n sistem per portar jù l legnam e percheche i camion gregn no i é bogn o i stenta a passar te paes. L’idea al scomenz l’era de far na strada provisoria ma dapò se aon empensà che ajache la vegnìa fata, se se troava l sistem de la far definitiva no fosse stat mal, podeva esser de utol per tirar fora l trafich de paes. Coscita aon proà a sentir che che dijeva i sentadign, prum de dut per veder se l’era l besogn de la far e dapò ence su la soluzion giusta.

E coscita aede chiamà ite na scontrada…

Ei, te la scontrada che aon chiamà int duc i era a favor de na strada de by pass percheche duc vesc l besogn. L problem l’é stat canche se à tratà de dezider olà la far passar. N’era de chi che dijeva de la far passar en or su l paes e secondo me l’era la soluzion più giusta perché coscita se jiva a tociar de manco l Pra de Sort, enveze n’era de chi che dijeva che ge voleva la far da l’autra man de Pra de Sort e i à portà desvalive motivazion, anter cheste che jai egn l’era jà na strada da chele man. Aon vedù che l’era senester troar na soluzion condividuda.

Podede troèr l'intervista entrìa su La Usc 28 di 19 de messèl  (Monica Cigolla)