Lifeline Dolomites: cruzie per i contribuc provinzièi a la solidarietà

Data

23 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La sociazion fascèna à giusta portà a compiment n projet de gran emportanza per la sanità tel Zimbabwe. L president Claudio Merighi auza fora l valor de la cooperazion internazionèla.

La via anter Fascia e l Zimbabwe é doventèda oramai vièl batù per Claudio Merighi, president de Lifeline Dolomites, che da 20 egn sostegn i projec del medico Carlo Spagnolli te l'Africa. Ades Spagnolli per sia sanità no l pel più jir te la tera olache l'à spenù sia vita, ampò chel che l'à semenà, i projec envié via, la sociazions nasciudes per l didèr les seghita a fèr de gran robes.
Merighi e i etres volontères de jugn i à serà sù n gran projet sanitères polispezialistics, ma ensema a la sodesfazion per i resultac arjonc l palesa l cruzie per la situazion provinzièla ti confronc de la sociazions de volontariat che se cruzia de solidarietà e cooperazion internazionèla. 
“Ge volarà veder che che fasc chesta neva Jonta – disc Merighi – che l'à tout jù l vincol de destinar l 0,25% a la solidarietà internazionala e arbassà l stanziament tel bilanz da 12 a 2 o 3 milions. Me fasc cruziar che no i capesc che nosc volontariat no l'é demò jir en Africa, l'é l fondament de n empegn che porton inant prum de dut chiò. Con nosc furgon jon a didar e a portar da magnar a la jent che à besegn, che amancol mesa la é da chiò. Dute nosce sociazion, Studafech, Crousc Checena, Gropes miscionaries, l'é valores che cognon tegnir sù, ma chesta neva filosofia la mina chisc valores. Ence en cont de chi che rua, ge volessa che i vae a veder olache i vif a da che che i sciampa. Se cognessa dar l met de gestir miec l'acolienza e portar inant bone politiche per l'integrazion, descheche fajea ence Cinformi , ma ades i é dò a desfar dut e tanta jent no capesc."

 (Lucia Gross )