En recort de Marcella e Luigi Heilmann

Data

13 de agost 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L tribut de l’aministrazion e de la realtèdes culturèles de Moena per l professor da Bologna e sia femena che tant se à dat jù per la cauja ladina
Tel chèder de la rassegna culturala Moena encontres, en vender passà te sala de consei de comun, en colaborazion con l’aministrazion, l’Istitut cultural ladin, l Grop ladin de Moena e l’enteressament de Annalisa Zorzi, l’é stat endrezà n domesdì leterèr per recordèr l professor universitèr Luigi Heilmann, sentadin onorèr de Moena, e sia femena Marcella Grandi, doi fegures che à dat contribut e sostegn a la cauja ladina.
Dò l salut de l’aministrazion de comun da man de l’assessora a la cultura Ilaria Petrone, a fèr i onores de cèsa l’é stat Annalisa Zorzi, che à rejonà ence de la tabela comemorativa loghèda ti vidores de Moena a recort de chesta doi persones de gran gust, eleganza e umanità che tropes a Moena à cognosciù e aprijià. Su la medema tabela vegn recordà ence l’auter sentadin onorèr del paìsc, Richard Loewy.
L diretor de l’Istitut cultural ladin Fabio Chiocchetti à fat memoria del professor che ensegnèa glottologia te la Università de Bologna olache el enstes à studià filosofia. L’à contà che a ic, joegn studenc, canche i lo scontrèa ti portesc de la facoltà, ge saea na persona dalonc, che no dèsc confidenza ma che canche vèlch an dò l’à abù l met de l cognoscer de persona l’à descorì na persona deldut desvaliva, n muie sorida e desponibola e de na umanità straordenèra.

De più su La Usc 31 di 09 de aost  (Cristina Marchetti)