Pian pian, sot la steiles a Pian

Data

13 de agost 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
na scomenzadiva per valorisèr un di paìjes più picoi de noscia val.
En lunesc ai 29 de messèl l'é stat metù en esser »Pian di stelle«, la neva manifestazion che ge à dat luster a Pian, frazion de Ciampedel.
Amò anchecondì, l’é un di soi lesc de val che pel contèr cèses e frabicac de enlouta. Per sotrissèr chesta sia emportanza, mùsega e de bona magnadiva, per na sera, à portà vita anter sia strèdes. Ampò la jent no é mencèda.
Per ruèr fin sun Pian, l grop »Sentieri in compagnia« l’à endrezà n percors con mùsega e contìes. Luciano Tarantino à portà dant l conzert con violoncel »Cello in the Universe«; Camilla Lopez dessema a Matteo Ramon Arevalos i à prejentà »Tributo a Violeta Parra«. Per i più picoi, l’é stat endrezà vèlch jech con l legn.
Sot la steiles de n ciel zenza na nigola, la jent à podù vardèr en ju Ciampedel enlumenà e aprijièr la beleza de nosc raion. La jent à podù jir de retorn te paìsc pascentèda e con n grignot sul mus per aer cognosciù una de la perles de noscia val.  (Nicoletta Riz )