La lejenda de Turchia a Moena

Data

14 de agost 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Gran suzess per la scomenzadiva
Te Turchia, un di ciantons più carateristics de Moena, dai 9 ai 11 de aost l’é stat endrezà 3 dis de festa, olache se à podù respirèr l’atmosfera de la cognosciuda lejenda del sudà turch ruà famà e destrametù te paìsc e rencurà dai sentadins. La sociazions del paìsc, a una con desvaliva autres de la val, les à endrezà 21 stand, con musega, magnadiva tradizionèla e intrategniment e daìte di tobié se à podù mirèr l’opera de scultores e artejegn.
L’é jit dut n mulge ben – à dit la presidenta del Comitat Manifestazion Ilaria Petrone – e ence l temp à aidà. Chest an l’é stat dorà amò l’inom »Turchia« percheche la jent del cianton la ge tegnìa. Turisć turches n’era istesc ma chesta oita no l’é stat nesciun problem.
Te trei dis l’à tout pèrt presciapech 2000 persones e l’é stat n centené i volontadives del post e de la val che se à dat jù per l bon ejit de la festa e ence per fèr benefizenza.  (Cristina Marchetti)