L Coro Nosc cresc

Data

20 de agost 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L grop à tout ite neves ciantores e l se enjigna per soa pruma rassegna di 6 de setember a Soraga
L’era ai 14 de november del 2015 canche l Coro Nosc se prejentaa per la pruma outa tedant al publich de Soraga. Da enlouta l’é passà beleche 4 egn e chest grop de joegn ciantores à troà neva gaissa e neves componenc. Con chest istà i aon vedui endodanef se ejibir tedant l publich te val ma ence tor part a desvalive rassegne foravìa, segn che i vegn aprijié e domané.

»L’é stat n an senester chel tanche passà – ne à contà l maester Peter Decrestina – percheche l’é se n jit doi ciantores: Sebastian Pederiva e Daniel Rossi, e coscita sion resté zenza na sezion de ousc emportanta e no podaane più jir fora a ciantar. A esser de ot aon vedù che no la va percheche ence demò se n mencia un, ajache sion giusćdoi per sezion, no se é bogn de far na bona prestazion. Coscita aon pissà de domanar stroz chi che volea vegnir a far part de nosc cor e l’é vegnù ite Marcello Chiocchetti, Danilo Moar, Riccardo Brunel e Luca Pedergnana. Ades te chest moment jon fora de diesc a ciantiar, apede a chisc neves l’é semper amò ence Mirko Pederiva, Mauro Crepaz, Nicola Decrestina (che l’é ence president), Alessandro Chiocchetti e Matteo Bernard, ma n’é amò autres doi che i é dò i empara: Emanuel Zulian e Gabriele Spinel e se auguron che per chesta aisciuda che vegn i vegne fora a ciantar ence ic. Endana aon mudà ence senta per nosce proe, ades sion te na sala de La Gran Ciasa olache dant l’era l Cor de gejia che se à tramudà enveze sun sotcuert de le scole.«

De più su La Usc 32 di 09 de aost  (Monica Cigolla)