Via Matris forin Baissiston e pelegrinaje a Oies

Data

10 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Doi apuntamenc leé a la devozion: en domenia ai 15 de setember al Santuarie de la Madona di Set Dolor e en sabeda ai 21 de setember dal Sènt ladin Freinademetz 
Uton rich de scomenzadives per i sozi e i sostegnidores de l’Union di Ladins de Fascia. Dant da dut l president Fernando Brunel slèria fora amò l’envit a duc chenc a tor pèrt a la defilèda de la Gran Festa da d’Istà chesta domenia ai 8 de setember. En ocajion di 40 egn de l’event l’é stat dezidù de tor pèrt ence con n grop de la Union Generela di Ladins de la Dolomites e de duta canta la sezions de val che portarà fora per l paìsc de Cianacei la bandieres ladines e i bie colores di guanc ladins per palesèr l sentiment de union.

La setemèna dò, en domenia ai 15 de setember da les 14.00, al Santurie de Baissiston vegn endrezà la Via Matris, la reflescions sui padimenc de Maria jai piesc de la Crousc. La se dejouc ti bosć dintornvìa l Santuarie e vegn dit sù orazions e let jù letures, ence per ladin. A chesta zelebrazion, desche a la Via Crucis, zacan tolea pèrt ence i fascegn che palesèa sia devozion a la Madona de Baissiston. Ence chest an l’é ruà l’envit da man del Prior del Santuarie.

Per restèr tel ciamp de la devozion, en sabeda ai 21 de setember la Union Generela di Ladins de la Dolomites endreza l tradizionèl pelegrinaje a Oies, dal Sènt Ladin Giosef Freinademetz. Da les 14.30 se se troa te la gejia de Sèn Linert a Badia, da les 15.00 ponta via la procescion de la Via Crucis per jir al Santuarie de Oies, da les 16.00 vegn dit messa ladina zelebrèda da pater Guido Demetz, pater Franz e dal decan seniëur Iaco Willeit col compagnament del Cor de gejia de Ortijei e sobito dò n picol marendel. L’Union di Ladins de Fascia endreza na coriera per jir vin Badia che ponta demez da Sèn Jan entorn mesdì. Chi che vel se emprevaler cogn se prenotèr al nr de telefon 0462 764545 inant da en mèrtesc ai 17 de setember.  (MCI)