L’impiant Moena-Valbona l’é vejin

Data

10 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Enstadì l’à ciapà parer favorevol de la conferenza di servijes de la Provinzia de Trent en merit a la valutazion de impat ambiental.
L’é de bela neves cheles che vegn da la sozietà Funivia Moena. En mèrtesc ai 3 de setember l’à ciapà zacan l parer favorevol de la conferenza di servijes de la Provinzia de Trent en merit a la valutazion ambientala (V.I.A.) sul projet de l’impiant portamont Moena-Valbona.

“No l’é stat sorì – scrif l president Maurizio Sommavilla su la piata Internet – e enceben valch prescrizion che jiron a meter a post coi tecnics spezifics de la Provinzia, aon passà via ence chest empediment che cruziava debel dut l Consei. Ge völ sotlinear che l confront con la comiscion V.I.A. provinziala l’é stat sobito positif, soraldut tegnan cont che duta l’area olache vegnissa fat sù l’impiant é stata dessatada te più lösc con l tormen Vaia de l’uton passà. Ades ne speta amò chisc varesc: la delibera de la Jonta provinziala per la gara de apalt, meter jù, publicar e assegnar la gara, la conzescion funiviaria de la Provinzia de Trent e la conzescion edilizia del Comun de Moena. Ne speta amò trop laor burocratich, ma jon inavant con otimism e con la determinazion de semper.”  (MCI)