E l’é stat endò Gran Festa… ence zenza la defilèda!

Data

13 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dai 5 ai 8 de setember a Cianacei se à endodanef binà sacotanta jent
A Cianacei, l fin de setemèna passà, l’é stat festejà l caranteisem cedean de la Gran Festa da d’Istà. N apuntament storich e identitèr che vigni an l’é bon de binèr ensema i ladins de la cinch valedes del raion dolomitan. Cater dis de festa, olache l volontariat l’à desmostrà amò n’outa sie maraveous e gran valor.

A cajon del catitemp e de la pievia che zenza fin l’à fat vegnir jù dal ciel sia lègremes, la defilèda de en domenia la é stata descancelèda, ma no l’é mencià  l conzerton de la bandes, istouta con l numer de sonadores smendrà: demò la Museghes de Fascia les à portà dant sia notes.

Per recordèr chisc carant’egn, l’organisazion de la Gran Festa da d’Istà l’à volù ge sporjer n recognosciment ai cinch presidenc, che te chest lonch viac i é stac a cef de la scomenzadiva: Battista Fosco (per mez de sia femena Giulia Battel), Eliano Erioldi, Paolo Casagranda, Silvano Planchensteiner e Luigi Gigio Dantone.

De più su la Usc nr 36 stampèda ai 13 de setember  (Nicoletta Riz )