Gé done, no sé per chi, ma sé perché

Data

10 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’ADMO endreza na sera publica de informazion a Moena ai 14 de otober. L referent de Fascia Amedeo Valentini ne deida a descharir i dubies e l ne fèsc ocgnoscer miec la sociazion
Via per chest meis passà se à sentù rejonèr più che zenza te val de la donazion de megola de l’os. N grum de messajes de envit a se scriver ite a l’ADMO é śiré sui social e sui gropes Whatsapp per via de n cajo de na pìcola beza fascèna che é malèda de leucemìa. Per responer a duc i dubies e a la domanes de la jent l’ADMO del Trentin en colaborazion con la Crousc Checena e l Comun de Moena à endrezà en lunesc ai 14 de otober da les 20.30 te sala de Consei de Moena na sera de informazion publica. Nos per n saer de più ge fat vèlch domana al referent de l’ADMO de Fascia Amedeo Valentini.

"Co éla la situazion de l’ADMO te Fascia? - No sé da te dir tenc scric ite che l’é te Fascia percheche l’é na informazion che no saon nience noi referenc per motives de resservateza. Gio sé demò de chi che se à enscinuà con me, ma se valgugn fossa jit tras l’ADMO de Trent no vegnon a l saer".

"Co se fèjel a doventèr donatores? - Pel se enscinuar a la sociazion duc chi che é anter i 18 e i 35 egn e i cogn pesar amancol 50 chili percheche se sà chi che l’é l donator ma no se sà chi che l’é chel che ciapa la donazion, se l’é na persona che peisa massa pech e l vegn chiamà a donar a n bez l podessa ence ge la far ma se l cognessa donar a na persona de 100 chili serf aer n peis minimo".

"N’él stat de più jent che se à informà te chest trat de temp per l cajo de la beza fascèna malèda che aessa de besegn de trapiant? - L’é stat un cajo te Fascia e un a Moena (nos no dijon mai fora i inomes) e la sensibilità popolara a fat a na vida che se slarie fora n muie de messajes casuai, zenza informazion prezise. La roba più emportanta l’é da dir che se per l sanch se pel far na donazion spezifica, per l’ADMO no l’é coscita, se l fasc demò per spirit de donazion e per dar na man. No podon dar na man spezificatamenter per una persona en particolar. Chest ge vel l dir bel chiar. Ence se la maor part de la jent che me à contatà chisc dis cogne dir che i à dit duc che i lo fasc istesc bolentiera".


Lejé l'intervista entria su la Usc nr 39 stampèda ai 4 de otober  (Monica Cigolla)