Neva mobilità a Sèn Jan: prum bilanz

Data

13 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Se sera sù con anché ai 13 de otober l servije de trasport publich metù en esser chest istà da l’aministrazion del Comun de Sèn Jan. Ge aon domanà a l’ombolt Giulio Florian coche la é jita
Se à sentù rejonar trop chest istà del nef endrez che l’aministrazion de Sèn Jan, vidada da l’ombolt Giulio Florian, à metù en esser per la mobilità e i trasporc sun dut l tegnir del comun.

La neva mobilità se à spartì te trei gregn intervenc. L prum per la strada per Gardecia, che é stata serada ence ai pulmins: chi che volea jir sul Ciadenac i cognea jir a pe o cerner anter forenadoa de Vich e sentadoa de Pera. Da le 10 da doman a le 4 domesdì l’é stat descomanà l’azess ence per i autorisé e la strada per Moncion é stata averta demò per sentadins e autorisé acioche no i vae duc a lasciar l’auto colassù.

L secondo intervent per la Val de Sèn Nicolò, con strada serada ai auti da Vidor en ite, ence chiò azess descomanà (ma demò a jir en ite) te chele ore del dì ence per i autorisé e 3 servijes publics: con pulmins envers i Monciogn e con pulmins e trenin envers la val de Sèn Nicolò.

Le reazion, tant a favor che de contra, no le é menciade, l’aministrazion aea dit che l’era na pruma sperimentazion e ades aon sentù l’ombolt Giulio Florian.

Troède l'intervista a l'ombolt su la Usc nr 40 stampèda ai 11 de otober  (Lucia Gross)