L’é stat endò Friday for Future

Data

14 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En vender ai 4 de otober, na setemèna dò la manifestazion mondièla, la Scola Ladina de Fascia à endrezà na neva giornèda su l’ambient
Più jon inant coi tempes e più doventa emportant e premurous rejonèr de ambient, amancol fin canche no sarà ence massa tèrt per troèr vèlch soluzion. Na neva scontrèda sul tem la é stata fata en vender ai 4 de otober te oratorie de Poza, na setemèna più tèrt che la manifestazion mondièla Friday for Future. L joen Mattia Valentini ne à contà vèlch particolèr de chesta scomenzadiva.

»Ge volarà amancol 150 egn per veder endò da nef l bosch descheche l’era dant del tormen Vaia, che à rebaltà 18 milions de metres cubi de legnam. Na desgrazia stata l’uton passà anter i 27 e i 30 de otober e che à ciapà ite noscia region, ma ence l Venet e l Friul.

De chest, ma ence de n muie de auter i à rejonà i bec de la classes de 3^, 4^ e 5^ del liceo scientifich de la Scola Ladina te na giornèda dedichèda a la emergenza ambientèla e al davegnir di joegn, apontin ai 4 de otober.

La scontrèda no à podù vegnir fata te la senta del liceo, ajache l’era l convegn dedicà ai 20 egn de la sotscrizion de la lege su la mendranzes linguistiches, coscita la é stata apontin te Oratorie de Poza. Chiò, i bec à podù se meter a confront sui temes atuèi e seguramenter de gran emportanza, desche l mudament climatich con sia conseguenzes a livel mondièl ma ence local, con l’ejempie del tormen Vaia che à dessatà nosc teritorie.

La ativitèdes les é pontèdes via con la proiezion del film-documentarie venjidor de Oscar “Una scomoda verità”, con protagonist l’ex-vizepresident di USA Al Gore. I joegn se à dapodò spartì te 3 gropes en conscidrazion de si enteresc per n lurier de aprofondiment sun desvalives argoments.

Troède l'articol entriech su la Usc nr 40 stampèda ai 11 de otober


 (MV/DV)