Padre Leopoldo Riz, 50 egn da preve

Data

12 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En domenia ai 27 de otober la comunanza de Ciampedel à fat festa grana per se strenjer dintorn a sie preve e per l don del sacerdozie
L’à fat festa grana la comunanza parochiala de Ciampedel en domenia ai 27 de otober per se strenjer dintorn a Padre Leopoldo Riz, carmelitan, che à fat 50 egn de ordenazion sacerdotala.

»L’é dai 14 de jugn del 1969, dì de tia ordenazion sacerdotala – à dit don Luigi Trottner te sia perdicia – che tu Padre Leopoldo ogne dì te toles te tia mans l calesc de la salveza e te ge dis de gra al Segnoredio per i sacotenc benefizies ciapé te l’Orden di Carmelitani Scalzi: a Unejia, a Roma olache te te ès laureà en Teologìa spirituala, a Catania e a Ragusa te la Sizilia, a Pieve de Cadore tel Santuarie del Crist e a Mantova dal 2008 aldidanché, en aiut ai preves e a istituc de monies. E l’é proprio l Segnoredio che l’à volù che te jisses te chisc paìjes de la Tèlia desche preve e ensegnant de religion. Descheche l’é stat per te, Padre Leopoldo, che de undesc egn, maraveà da la perdicia de n pare carmelitan ruà a Ciampedel en miscion, te ès sentù l dejiderie de te donèr al Segnoredio per doventèr preve, coscita tia prejenza anter de nos empee tel cher de n muie de joegn l dejiderie de se donèr deldut a Crist. Tia gaissa, ensema a a tia gran umoltà, sarà da spenta a arbandonèr dut per ge jir dò a Gejù. A ti Padre Leopoldo, semenador de ben e de pèsc, nosc rengraziament e augurie de ogne ben per la strèda corida e augures per chela che amò te ès tedant.«


De più su La Usc nr 44 stampèda ai 8 de november  (Monica Cigolla)