L’Europa e la endesfides del davegnir

Data

07 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Autonomìa, mendranzes e globalisazion l’é costions emportantes che vegn toutes dant dal »Comitat neva UAL«te na scontrèda de riflescion insnet adum con l’eurodeputat Herbert Dorfmann 
Co mudarèla l’Europa ti egn che vegn? Colun podarèl esser l ruol de noscia autonomìa tel chèder storich che se met dant? 

E amò colun sarèl l destin de la mendranzes e de la comunanzes zenza stat te chest contest? E colun l svilup economich sot la spentes contraditories de la globalisazion? 

La sozietà cogn fèr front a endesfides desche l’impat de la neva tecnologìes, i gregn movimenc demografics e la tema de la jent en cont de segureza. Chesta e de autra costions de gran atualità e de emportanza ence per l davegnir la comunanza ladina de Fascia é al zenter de la reflescions del »Comitat neva UAL«. Dò l’enteressant apuntament con e per i joegn su la prospetives a livel local per noscia val e a livel global per dut l pianet, l Comitat vel orir amò de più si orisonc per vardèr a l’Europa, a nosc continent che stenta a fèr jir inant adum la coejion sozièla, l svilup e la partezipazion democratica, te n moment olache l spirit de union somea vegnir fià dal renforzament de tendenzes nazionalistiches e sovranism.

De dut chest vegnarà rejonà apontin insnet, vender 8 de november, da les 20:30 te sala grana Simonin Chiocchetti Maza te la scoles de Moena.

A rejonèr l’é stat envià l’eurodeputat Herbert Dorfmann, che l’é a sie terzo mandat tel Parlament European e l’é stat lità tel Colege Nord-Est de gra a la normes spezièles che ge arsegura la raprejentanza a la mendranzes linguistiches.

Prejentà da la portaousc del »Comitat neva UAL«Cristina Donei, Dorfmann podarà responer a la domanes de Francesco Gabrielli, joen fascian empegnà te sia comunanza che studia scienzes internazionèles e diplomatiches a Gorizia, ma ence a cheles de duta la jent che tolarà pèrt a la scontrèda.

Se trata de n auter moment del percors portà inant per soscedèr la partezipazion de la comunanza de Fascia a l’empegn per sie davegnir. Te la medema sera vegn avert l sondaje per veder che che peissa i fascegn de n eventuèl mudament de inom de l’Union Autonomista Ladina: l jirà inant ence on-line e la dezijion vegnarà touta da la radunanza, che vegnarà chimèda ite tel meis de dezember per aproèr i mudamenc al statut e litèr l nef diretif.