Armando Mich nef president de la Sociazion Fassa

Data

09 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’é stat lità al post de Francesco Pitscheider. Luca Guglielmi resta secretèr politich.
En vender ai 8 de november la Sociazion Fassa à chiamà ite te sala de Consei de l’ex Comun de Vich la radunanza generèla. Con n gran batiman duc i sozi prejenc a la scontrèda, ben 69 che à dat jù la stima, i à lità Armando Mich nef president de la Sociazion. L tol l post de Francesco Pitscheider che à corì l’encèria via per chisc ultimes meisc dò che Elena Testor é stata litèda senatora. Pitscheider à dit de no voler più se meter a la leta e de voler lascèr lèrga a autra persone che pel dèr sie contribut a la Sociazion.

Armando Mich à rengrazià de la stima e l’à dit che l farà l possibol per la sociazion ma che l ge tegn soraldut che la reste inant n grop de amisc.

La radunanza ge à ence confermà al conseier ladin Luca Guglielmi l’encèria de secretèr politich. El  l’à volù uzèr fora i vèresc arjonc da la Sociazion col stèr anter la jent e scutèr la jent, n empegn che l se à tout sù ence el personalmenter desche conseier provinzièl.

L diretif ge à sport na targa de recognosciment a Gino Fontana desche sozio fondador del moviment per l rengrazièr per dut chel che l’à fat. Fontana, con comozion, ge à sport l develpai a chi che à sapù jir inant e concostèr emportanc resultac.

I sozi à dapò lità l nef diretif che tol ite 15 conseieres: Lara Battisti, Francesco Pitscheider, Matteo Iori, Valentina Zanon, Chantal Sommavilla, Patrick Falser, Marco Dellantonio, Stefano Fosco, Marco Pederiva, Alberto Boscolo, Riccardo Franceschetti, Manuel Capovilla, Armando Bez, Tea Dezulian, Ezio Croce e Martin Degiampietro.  

De più su La Usc stampèda de en vender ai 15 de november.  (Monica Cigolla)