L’Istitut cultural ladin te man del Comun general

Data

10 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L conseier provinzièl ladin Luca Guglielmi portarà dant n dessegn de lege.
Te doi setemènes prejentaré n dessegn de lege per ge passèr duta la gestion de l’Istitut cultural ladin “majon di fascegn” al Comun general de Fascia. L’é stat la declarazion del conseier provinzièl ladin Luca Guglielmi a la Radunanza generèla de la Sociazion Fassa en vender ai 8 de november.

Te na intervista a La Usc di Ladins Guglielmi à spiegà che “jà la lege del Comun general de Fascia perveit che la provinzia de Trent ge passe diretamenter desvaliva competenzes. Saon che la politica linguistica la é jà al Comun general de Fascia e saon ence i cruzies, e gé l sé en pruma persona percheche son stat te Consei de Aministrazion per beleche 3 egn, e i problemes che l’à l’Istitut per esser ent strumental de la Provinzia, massa burocrazia, empedimenc per far lurieres…

La lege pervedessa che l’Istitut cultural ladin podessa esser n ent diretamenter strumental del Comun general de Fascia. Per chest portaré dant l dessegn de lege.”

Chest vel dir che l Comun general podarà dezider la nomines?

“Te chest moment te Consei de l’Istitut ladin rua ite doi raprejentanc de la Provinzia de Trent, un con funzion de president e un de conseier, un de la Region Trentin-Sudtirol, doi nominé dal Comun general (1 de maoranza e 1 de mendranza) e un nominà da la Comiscion culturala. Se l’Istitut cultural ladin doventassa ent strumental del Comun general de Fascia no aessa sens che l president vegne nominà da la Provinzia, a chela che ge restassa aboncont istesc doi nomines da fèr o ence demò una, sion dò che valuton. Se l’Istitut cultural ladin passassa te man del Comun general de Fascia, l prum capofila, l ciapassa la medema possibilitèdes che l’à ades la Provinzia.”

De più su La Usc stampèda de en vender ai 15 de november.  (mci)