Moena zenza trafich, n ensomech o l davegnir?

Data

02 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L grop zitadinanza ativa de Moena à endrezà n debatit publich per rejonèr de la viabilità del paìsc. Te la galarìa de la circonvalazion passa na media de 300 mile auti al meis
"Colugn sacrifizies se sentione de far per aer n paes zenza trafich, san e vivibol?", l’é stat la domana che l’é vegnù fora più che n’outa a la scontrèda chiamèda ite te sala de Consei de Comun dal grop de zitadinanza ativa »N cör per Moena« en mercol ai 20 de november. N bon pecia de jent à volù tor pèrt a l’enconter che se aea dat desche argoment de descuscion la viabilità del paìsc de Moena. Annalisa Zorzi e Gilberto Bonani, promotores del grop zitadinanza ativa, à envià a rejonar l Comandant di Polins de Fascia Gianluca Ruggiero, che era compagnà dal polin Francesco Giura, l responsabol de l’ofize tecnich de Comun Alberto Dallio, l’ombolt Edoardo Felicetti e l’ex ombolt Riccardo Franceschetti.

L paìsc de Moena l’à abù n gran benefizie con la neva circonvalazion che porta gran pèrt del trafich a passèr fora dal zenter ma resta istesc de gran critizià. 

L Comandant Ruggiero à spiegà che te chisc egn se à lurà per tor demez più che l’é meso l trafich dal zenter. L’é stat metù l diviet per ruèr te paìsc da nord, da Ciarnadoi ju, l’é stat metù sù la ZTL, te sajon te certa ores vegn serà fora deldut l trafich e vegn desvià più che l’é meso i auti te Navalge inant che i rue te zenter. L’aministrazion à dezidù da sobito de lascèr che passe demò i auti di residenc, tant te le ZTL che a vegnir ju da Ciarnadoi, duc i etres cognea fèr la circonvalazion. Al scomenz chest à creà mingol de critiches e biteboi, tant che te chisc egn l’é stat fat desvalives intervenc de miorament.

»Aon i dac de monitoraje del passaje de auti da man de la Provinzia – à dit Ruggiero; tel mes più traficà de l’an, chel de aost, te la galarìa de la circonvalazion passa 450.000 auti, tel mes con manco trafich n passa 250.000. Chest völ dir che en media passa 300.000 auti al mes, 10.000 al dì, 416 auti a l’ora. L’é numeres che fasc aric soraldut se se pensa che se no fossa la circonvalazion chisc auti passassa duc te zenter de Moena.«

L polin Giura, che é responsabol del parchege de Moena, à dit che tel meis de aost l’é ruà ite più che 40.000 auti, che vel dir più che 1.300 auti al dì. Ai 15 de aost n’é stat adertura 2.050. 

»Tel paes de Moena aon desvalive sort de parcheges – à dit Ruggiero – che respon ben ai besognes, sun dut l tegnir n’é presciapöch 800. Demò tel mes de aost e da Nadal l’é valch critizità con jent che lascia jù l’auto olache mai.«


L'articol va inant su La Usc nr 47 stampèda ai 29 de november  (Monica Cigolla)