N ofize zenza parees, con vista a 360°

Data

03 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Nadia Pitto de la firma Fiores a Sèn Jan à vent n pest desche imprenditora agricola che dèsc n contribut a l’inovazion te la tradizion de l’atività da bacan
Nadia Pitto de la firma Fiores a Sèn Jan la é stata premièda enstadì a la pruma edizion del pest »Donne e agricoltura per la nostra terra trentina«, che à vedù tor pèrt 17 femenes da autra tantes aziendes agricoles, olache l’é stat consolidà esperienzes inovatives leèdes a na agricoltura coerenta col model alpin de produzion.

Chest premie nasc da l’idea del Coordenament Femenes Acli Trentines per valorisèr l pensier e la esperienzes de la femena, sostegnir scomenzadives e ativitèdes olache la ela à encèries de responsabilità te la sozietà zivila e tel mond del lurier. 

La proponeta é stata condividuda con l’Arzidiozesa de Trent e portèda inant con la colaborazion de Acli Terra, CSV Trentino non profit Network, FAP Acli Federazion Jent de età en penscion e Fondazion Edmund Mach de Sèn Micel. Anter i obietives la se met dant de smaorèr la consaputa publica su l’emportanza de la funzion de la eles tel mond del lurier e encorajèr la femenes a neva formes de partezipazion e creazion de bon lurier te l’agricoltura. 

L pest à volù uzèr fora l valor de trei imprenditores agricoles che dèsc n contribut a l’inovazion te la tradizion de l’atività agricola, donca apede a Stefania Gaiotto, produtora de fruc biologics e turcheis e arlevadora de gialines de Civezan e Stefania Lusuardi, produtora de ortames, piantes da medejina e esperta de agricoltura sinergica de Monte Terlago, l’é ence Nadia Pitto, coltivadora de bièves e piantes ofizinales e patrona ensema con sie om de n agritur ecogreen a Sèn Jan.

La premiazion é stata en lunesc ai 11 de november a Trent te la sala del Vigilianum: l’à tout pèrt ence l piscop Lauro Tisi che à lodà l’anteveder de la femenes e sia capazità de davegnir e l’à uzà fora l’emportanza de investir anchecondì te l’agricoltura.


Lejé l'articol entriech su La Usc nr 47 stampèda ai 29 de november  (CRI.M)