Per na coa di picioi te Fascia

Data

10 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Scola Ladina de Fascia spenc a Trent per poder ruèr a concretisèr chest obietif emportant, metan dant sia desponibilità per portèr inant la gestion di servijes educatives per i picoi da 0 a 6 egn
La Scola Ladina de Fascia, che jà se cruzia de la formazion e educazion di bec da la scolina a la scola auta, podessa jontèr ite a si servijes ence chi ouc ai più pìcoi dai 0 ai 3 egn.

Jà del 2014 la Scola de Fascia aea metù dant sia desponibilità a se cruzièr di servijes educatives di bec dai 0 ai 3 egn, e dò che l’era stat serà la populères de Soraga, l’idea de poder orir la coa di picioi apontin ti spazies de chel frabicat, olache l’é ence la scolina, l’aea troà sostegn tant te Comun de Soraga che te la Provinzia. 

La mozion aproèda dal Consei de la PAT a la fin de otober de chest an, per la definizion de n pian per la gestion integrèda di servijes educatives per i bec dai 0 ai 6 egn, ge à dat l’ocajion a la Sorastanta de renovèr sia desponibilità. L’aministrazion de Soraga endèna l’à portà a compiment l’iter burocratich e del 2020 podessa peèr via i lurieres per la realisazion de la coa di picioi.

Ades, con na lingia de motivazions la Sorastanta à domanà che i referenc politics e tecnics de la Provinzia se ativee prest per meter a jir n desch de confront per poder se enjignèr a tor dant coche carenea chesta neva endesfida.

Articol entriech su La Usc nr 48 stampèda ai 6 de dezember  (Lucia Gross)