Se pel sporjer ence cultura

Data

11 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Sacotenc ghesćrua te Fascia per nesc monc. I joegn hotelieres fascegn i à emparà che l’é ence na perferida culturèla da poder ge sporjer
Cognoscer l teritorie e saer chela che pel esser la perferida turistica no demò sui portoes e sui troes fascegn, ma ence te paìsc e a livel culturèl cognessa esser la basa per ogne bon albergator. L’é zenz’auter de utol esser bogn de ge sporjer ai ghesć che rua te val ence na cercia de noscia cultura, de noscia tradizions, de noscia storia. Apontin con chest obietif l’é stat endrezà enstadì da l’Istitut Cultural Ladin “Majon di Fascegn”, en lunesc ai 2 de dezember, na vijita a la sezions del Museo Ladin de Fascia dedichèda ai joegn hotelieres che à sia ativitèdes te val.

La vijita se à avert te l’ultima sezion enaudèda, chela del Stont de Ciampedel, olache l grop de hotelieres l’à podù scontrèr la presidenta de l’Istitut cultural Lara Battisti e Martina Chiocchetti del Museo Ladin, che la se cruzia apontin de la didatica e de la vijites per bec, scolees e turisć. »Se aon pissà de endrezar chesta scontrada – à dit la presidenta Lara Battisti – per far cognoscer anter voi autres l’Istitut e sia perferida, ve despiegar nosce sezion sul teritorie e dar vita a na più fona identità ladina, tras la condivijion de noscia storia e nosce tradizion. Sion dassen contenc de aer l met de lurar con voi perché siede joegn, ma ence perché chesta pel doentar na proponeta culturala per vesc ghesćche vegn a ne troar te val.«

Dò l salut de la presidenta, l’é scomenzà la vijita...

L'articol va inant su La Usc nr 48 stampèda ai 6 de dezember  (Daniele Verra)