I apuntaments da se notèr sù

Data

12 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Scola Ladina de Fascia endreza la zerimonia de consegna di diplomes DOMAN, en vender ai 13, e vegnarà metù a jir l projet EducAzion 
Consegna di diplomes: la Scola Ladina de Fascia endreza doman, vender ai 13 de dezember da les 18.00 te la Sorastanza a Sèn Jan la zerimonia de consegna di diplomes. L’é n moment emportant per i ex studenc e sia families per veder recognosciui i ejic de cinch egn de studies a la scola auta e per condivider chisc resultac coi compagnes, i ensegnanc e la comunanza.

EducAzion, na endesfida de duc: la crescimonia di joegn e sie davegnir l’é na responsabilità de duc. La comunità »che educhea« l’é n tem che ne tol ite e ne chiama duc a l’azion: scola, teritorie, genitores, sociazions, imprenditores locai e sentadins. Ma co podone pa esser prejenc? Che podone pa fèr? Duta la comunanza é envièda a tor pèrt a la scontrèda del projet de inovazion educativa #Fuoricentro, coltiviamo le periferie en program en jebia ai 19 de dezember da les 17.30 te la Cèsa per feries (ex Villa Bacchiani) a Sèn Jan, percheche ogneun à na pèrt fondamentèla te la costruzion de na comunità »che educhea«. Sarà da poder scutèr l sociologh Alberto Zanutto, Cristiano Conte e Elena Malfatti de la coprativa sozièla Kaleidoscopio, Francesca Braito de l’Aps Carpe Diem e Stefania Povolo del Pian Joegn de Zona La Risola e a la fin sarà da poder passèr amò mingol de temp ensema tedant a vèlch da bon da magnèr e da beiver.