La Usc di Ladins

Te na domenia belebon freida al scomenz de dezember la zità de Reggio Emilia ge à dat alberch a sia maratona, ruèda a l’edizion numer 24. Desche ogne an, al via l’era beleche 3000 concorenc. Vèlch un con chela de venjer, vèlch un per n resultat personèl, vèlch un per aer fat del sport n stil de vita.

Te la zità emilièna l’era ence Stefano Benatti, ladin da Moena, che aló l’à arjont n auter travert, chel de ben 200 maratones portèdes a compiment en cariera. 

L’é stat n temp olache la maor pèrt de la jent pissèa che chesta sort de corsa de tradizion veiora la domanasse n sforz estrem, da no poder repeter tel jir de pech temp. 

Coi egn i pascioné i é jic inant e no l’é più vèlch da rèr anchecondì scontrèr spezialisć che ponta via dal start ence più outes te n an. Spezialisć che per solit jonta ite a chesta impreses ence cheles de la garejèdes ultra, competizions su distanzes de 100 km o ence de più. 

Dalbon de pec ampò i fèsc garejèdes de chesta sort una dò l’autra desche l bancarie da Moena che, de beleche 60 egn, a tor pèrt a chesta competizions l se got amò desche n joenet!

De più su La Usc stampèda de vender ai 10 de jené 2020.  (Cristina Marchetti)