L’é semper temp per jir a l’università

Data

18 de jené 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I é ben 70 chest an i studenc, dai 45 ai 90 egn, scric ite ai corsc de l’UTETD a Sèn Jan.


N bel grop de 70 students dai 45 ai 90 egn se à scrit ite chest uton passà ai bie corsc de l’università de la jent d’età e del temp a la leta te la sezion del Comun de Sèn Jan che tol ite duc i paìjes de Fascia da Soraga en ite.

Ades a mez de l’an de scola ve meton en consaputa de la bela lezions che l’é stat metù dant.

Col professor Cesare Bernard i students à podù descorir l’èrt e la storia de la gejies de la Val de Sot da Soraga fin a Pera, n auter an se jirà inant pean via da Moncion enscin ta Penìa.

Con sia gran capazità ma soraldut con pascion e dijon pura ence cher l professor Bernard à encantà contan de noscia gejies, pilèstres de la vita de noscia veiora comunanza fascèna. L’à portà dant informazions storiches, fac sozedui, tradizions e usanzes che no se troa scrites niósui libres.

Lezions n muie utoles l’é stat cheles del spezièl Stefano Sicheri da Pardac, con sie fèr paruscent e gustegol, l’à rejonà de la medejina naturèles, cheles che vegn dai fiores e da la piantes. Col professor Federico Corradini l’é stat fat n bel viac te anter la gran operes de la letradura epica greca l’Iliade, l’Eneide e l’Odissea e l jon professor Alberto Zeni à menà i students tel mondo de la musega classica, a descorir l segnificat de sinfonìa, de n moviment, coche se dejouc na gran opera, la vita di gregn compositores desche Beethoven demò per n dir un e sessaben l’é stat scutà de bela sonèdes che à dassen encantà.

L’é stat rejonà ence de natura co la sociazion Albatros de Trent e i doi professores Sandro Zanghellini e Claudio Torboli, che à portà i studenc de l’università de la jent d’età e del temp a la leta te viac culturèl per jent curiousa che à voa de smaorèr chela richeza che fèsc grana na persona, la cultura.

De più te La Usc stampèda de vender ai 167 de jené 2020.  (Annelise Vian)