L’é n codejel gustegol e rich de emozions, che se aur con chesta paroles, scrites da Michela Scarazzolo: »E me cuce jù aló, a ge vardèr a la stories de duta la etèdes che se cor dò, desche picoi bec, tel piaz più bel del mond. Zenza sieves e zenza regoles. P.S.: Chiò la linies paraleles les sauta contentes, les croda, les se scontra zenza fin.«
Sun chesta piates ne vegn dat cont di momenc più emportanc, particolères e gustegoi che l’é stat vivù anter i mures
View the embedded image gallery online at:
https://www.lausc.it/valedes-ladines/fascia/11832-la-cesa-de-paussa-verda-inant-con-eies-vives#sigProId5ef8b663db
https://www.lausc.it/valedes-ladines/fascia/11832-la-cesa-de-paussa-verda-inant-con-eies-vives#sigProId5ef8b663db
La pèrt più istituzionèla, ma semper fata col cher, ge pervegn a Barbara Bravi, che da 2 meisc la é stata confermèda te sia encèria de presidenta dal nef Consei, renovà apontin a la fin de november del 2019. Vèlch component é stat confermà, etres enveze se à mudà fora: a duc va l detelpai per sie empegn. Ades l Consei de l’APSP de Fascia tol ite ensema con Barbara Bravi, nominèda dal Comun de Ciampedel, Lucia Marchetti per l Comun de Cianacei, Valli Graneris per Mazin, Maurizio Detomas per Sèn Jan, Manuela Rossi per Soraga e Fabrizio Demartin per Moena. Demartin, jà diretor de l’APSP de Pardac e per n trat stat diretor ence te la Ciasa de Paussa de Fascia, l pel segur meter a la leta na bela esperienza e l’é stat cernù desche vizepresident.
L’an 2019 à registrà de gran neves te anter l personal: la dotora Katiuscia Trottner, la diretora Alessia Daprà e l’infermiera Jessica Vinante à… fat la valisc, ajache la vita les à portèdes sun etres troes.
Dutes 3 à lascià sie salut, rich de umanità e mingol de comozion, sun chest numer de »Eies Vives«. Ades te Ciasa de Paussa l’é ruà de autra profescionistes: la dotora Jennifer Vedruccio l’à vent l concors e l’à tout l post de Katiuscia Trottner, Elisa Emiliani l’à tout sù la direzion de l’APSP fin canche vegnarà fat l concors e ence per chel che vèrda l grief problem di infermieres l’é ruà ite 3 neves profescionisć, dant n om e dapò 2 joenes giusta laureèdes de Fascia, e chest l’é n fat dassen positif.
De più su La Usc stampèda vegnuda fora en vender ai 31 de jené 2020. (Lucia Gross )