Fascia vel esser protagonista te la promozion del teritorie

Data

15 de fauré 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’assessor provinzièl al turism Roberto Failoni à scontrà i operatores del turism per ge portèr dant la neva lege de reforma.

L’à śirà fora per dut l Trentin e l’é ruà ence te Fascia en lunesc ai 10 de firé l’assessor provinzièl al turism Roberto Failoni. L’é vegnù a prejentèr l sboz de la neva lege de reforma del turism, da les diesc da doman te sala de Comun de Moena, domesdì dant te sala de Comun de Sèn Jan e dapò più tèrt te sala de Comun de Cianacei.

»L’é la pruma outa te la storia del Trentin che vegn endrezà scontrèdes de chesta sort sun dut l teritorie – l’à dit dantfora l’assessor Failoni a Moena – nos vegnon per scutèr i operatores e tor sù duta la osservazions. Aon metù jù n sboz de lege chièr e scempie, ge aon lurà dò meisc e meisc e pisson de esser su la strèda giusta. Domanon demò de aer coraje e de tor sù con gaissa chesta oportunità.«

L se à metù dant ence tempes segures: »aon tedant ades 15 dis per fèr n prum bilanz de chel che aon tout sù dai teritories – l’à dit - ai 28 de firé jiron te Jonta per na pruma adozion e dapò l dessegn de lege passarà en II Comiscion con sie president Luca Guglielmi, che l’é ence conseier ladin e donca l metarà na atenzion particolèra per chesta lege per chel che vèrda sie teritorie. Te aula se jirà de mé e donca aon dut l temp amò per ge n rejonèr sora.«

De più su La Usc stampèda de vender ai 14 de firé 2020.  (Monica Cigolla)