La Musega da Vich destuda 200 ciandeiles!

Data

15 de fauré 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La sociazion endreza na lingia de evenc per l cedean, pean via con la mostra de retrac veies te Ciasa Marmolada che vegn enaudèda en domenia ai 16, dì de Sènt’Ugèna, dò la zelebrazion religiousa sun Ciaslir.


La Musega da Vich compiesc 200 egn. Nasciuda del 1820 l’istituzion got anchecondì de na sanità ezelenta e la se endreza a festejèr coche carenea chest travert emportant.

L prum apuntament l’é en domenia ai 16 de firé, dì de Sènt’Ugèna, canche en ocajion de la sègra, dò la messa ofizièda da les 10 sun Ciaslir da monsegnor Luigi Bressan, da mesa les 12 te Ciasa Marmolada a Vich vegnarà enaudà la mostra »200 egn de musega«. L’é na regoeta de retrac veies che conta la storia de la Musega da Vich – l’à contà l president Donato Calligari – e dapodò l’é ence na postazion per scutar la musega e na televijion per veder i filmac. Aon cernù chesta dì ajache sion n muie leé a la Sènta Patrona, che la é ence su la bandiera, dapodò l’é de domenia, segur na dì adatada per endrezar zeche, percheche posse vegnir più jent.

La dì de l’inaudazion la mostra restarà averta enscin la does domesdì, dapodò la sarà da poder veder ai 25 de firé e la verjarà a na vida stabola chest istà.

De più su La Usc stampèda de vender ai 14 de firé.
 (cri.m)