Te Fascia la S. Messa la é en streaming

Data

08 de merz 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La desposizions à descomanà la zelebrazions liturgiches te la gejies del Trentin e Don Andrea Malfatti se à endrezà metan a la leta sun youtube la messa zelebrèda anché a Pera “sine populo".

En sabeda ai 7 de mèrz da sera l'é stat manà fora la desposizon ofiziala da man de la diozesa de Trent. L piscop Lauro Tisi, en cordanza con l'Autorià sanitèra de la Provinzia de Trent l'à tout l provediment de sospenjion de duta la messes da domenia ai 8 de mèrz e fin a neva comunicazions. La dezijion é stata touta, con gran despiajer ma ence con gran sens de responsabilità, aldò del smaorament del risech de sparpagnament del virus ence te nosc raion.
La gejies é avertes ma demò per la orazions individuèles di fidei.
En domenia ai 8 da les 10 da doman l Piscop Lauro à ofizià la messa tel dom de Trent a ujes seré, e la é stata manèda fora en streaming sun Telepace. Ence don Andrea Malfatti, preve de Pera, Poza, Vich, Mazin e Soraga, l'à ofizià la messa “sine populo", donca da soul zenza la prejenza di fidei, en domenia da doman te la gejia de Pera e l'à metù la zelebrazion sul web a na vida che duc chi che no à podù tor pèrt a la messa de la seconda domenia de Careisema i posse la veder sun youtube, al link: 
https://www.youtube.com/watch?v=qHJahWn_btc&feature=youtu.be  (Lucia Gross)