En vender ai 13 de mèrz te l’ospedèl de Rorei l’é mort Don Luigi Trottner. L preve de Focol da Vich l’aea 86 egn e da 20 egn l rejea la parochia de Ciampedel, che tol ite ence la gejies de Ciampestrin, Fontanac e Pian. Per chest cedean l’era stat festejà da sia comunanza tel meis de november passà.
Jà da mingol de dis no l stajea ben, l’era n muie debilità e al scomenz de chesta setemèna la situazion era piorèda. Resultà positif al coronavirus, l’era stat portà a Rorei tel repart de terapia intensiva, ma no l’é stat bon de passèr via la crisa. Don Luigi Trottner l’é la seconda vitima de chest virus teribol tel Trentin.
Te chisc tempes che destramet, che no ge permet a la comunanza cristiana de Ciampedel e de duta Fascia de se strenjer fisicamenter entorn a sie bon pèster per ge sporjer l’ultim salut, preon per el, che à arjont la pèsc del Paradis, e per la jent de noscia val e de dut l mond.
(lg)
Don Luigi paussa te la Pasc del Segnoredio
L preve de Ciampedel vitima del coronavirus.
Galaria retrac
View the embedded image gallery online at:
https://www.lausc.it/valedes-ladines/fascia/12155-don-luigi-paussa-te-la-pasc-del-segnoredio#sigProIdafd3251f83
https://www.lausc.it/valedes-ladines/fascia/12155-don-luigi-paussa-te-la-pasc-del-segnoredio#sigProIdafd3251f83