La Tèlia, l Trentin e la valèdes ladines se à fermà fora de n bel nia e de ora en ora l’é smaorà la prescrizions per duc. Dut l’é cet, dut l’é sospenù. La sajon turistica se à blocà e la valèdes se à sbetà; vèlch familia che à la seconda cèsa te Fascia é restèda e jita stroz, soscedan vèlch critica da man di sentadins. L’é stat descomanà duc i evenc e i momenc de agregazion, tout jù per chest ence duta la messes e descomanà a duc de jir fora de cèsa, se no l’é proprio de besegn, per schivèr ogne contat e ogne risech. Aldò de la neva mesures pervedudes dal decret del Goern ence Fascia se reorganisea e muda endrez.
La Usc di Ladins vegn fora ampò, ma l'ofize a Sèn Jan l'é serà e se laora da cèsa. Chi che vel se meter en contat con la redazion i pel manèr na mail a la direzion fascia@lausc.it o chiamèr la responsabola de Fascia Lucia Gross al numer 329.8830937.
De autra informazions su La Usc stampèda de vender ai 13 de mèrz 2020. (mci/lg)
La situazion piora e ence Fascia muda endrez
Dò l prum cajo zertà a Cianacei n'é vegnù de etres, anter chisc chel che à portà a la mort del preve de Ciampedel don Luigi Trottner. Ge vel stèr a cèsa e osservèr la regoles, la messa vegn manèdes fora en streaming e la copratives consegna la magnadiva a cèsa.
Galaria retrac
View the embedded image gallery online at:
https://www.lausc.it/valedes-ladines/fascia/12158-la-situazion-piora-e-ence-fascia-muda-endrez#sigProIdbbd9e4cb6d
https://www.lausc.it/valedes-ladines/fascia/12158-la-situazion-piora-e-ence-fascia-muda-endrez#sigProIdbbd9e4cb6d