La Usc di Ladins

Acà mingol de temp te dut l mond l’é crepà fora na gran petorcena che la é jita a mudèr noscia vites e noscia vijion te n mond semper più globalisà. Ence Fascia la é stata tochèda da chest mudament: per setemènes la strèdes les se à svetà e demò ades les scomenza endodanef a se viventèr. Apontin duc à cognù stèr te cèsa. No per duc, aboncont, la majon l’é chela fata da cater mures. Per Sebastiano Valentini, de fat, la crepes l’é sia cèsa e, donca, l’à tout l’ocajion per jir te sia tieja.

Sebastiano, sion vegnui a saer che la carantena te l’ès passèda te n post mingol fora de anter…
Ei, se pel dir coscita. Canche é podù sciampèr son jit a stèr su te tieja: miec stèr seré sa mont che te cèsa. Son stat su dai 21 de oril fin ai 5 de mé. Son n muie più content de stèr colassù, che stèr te paìsc. L’é n muie più bel: te paìsc se stèsc tedant la televijion, gé é preferì me n jir sa mont anter la crepes olache dadoman podee vardèr fora per fenestra la Marmolèda. 

De più su La Usc stampèda de vender ai 15 de mé 2020.

 (Nicoletta Riz)