L’Union speta si sozi e amisc

Data

25 de mei 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’ofize a Sèn Jan é endò avert con oraries più curc, miec chiamèr dantfora.

L Covid-19 à rebaltà sotessora la vita de duc chenc ma ades, mìngol a l’outa, duc taca a recuperèr endodanef sie stel de vita. Ence l’Union di Ladins de Fascia à cognù descancelèr o sburlèr l’ativitèdes che l’aea en program: ai 8 de mèrz l’era stat metù en calandèr la Radunanza con la prejentazion del nef Almanach 2019, ma la scontrèda à cognù vegnir descancelèda.

La Usc di Ladins à seghità a vegnir fora ma la redadores à lurà da cèsa e l’ofize a Sèn Jan l’é restà serà.

Ades che la jent à endò podù tachèr a se mever ence la prejenza te ofize pel vegnir arsegurèda, endèna i oraries che l sarà avert a la jent l’é chisc: dal lunesc a la jebia da les 9.30 a les 12.00 e da les 15.00 a les 17.00 e de vender demò inantmesdì. Aboncont l’é semper miec chiamèr dantfora al numer de telefon 0462 764545 per esser segures de troèr zachei o per veder se l’é l met de tor n apuntament ence fora da chisc oraries.

L’Almanach ge é stat manà per posta ai aboné e l ge vegn dat debant ence a duc i sozi de l’Union en regola col tesserament: envion duc a vegnir te noscia senta a renovèr la tessera e se tor l nef Almanach o la bandieres ladina o fascèna.

La senta de l’Union di Ladins de Fascia a Sèn Jan.