La Usc di Ladins

Co sarèla chest istà l’animazion per i bec e i joegn? I é tropes i genitores che se l domana chisc dis pissan a coche si fies podarà passèr i meisc de vacanza ma soraldut per se endrezèr enstesc, vedù che n muie i laora tel ciamp del turism. 

Acà pec dis l’é vegnù fora la linees guida nazionèles del Departiment per la politiches de la familia che met dant dates e regoles per poder averjer endò danef col meis de jugn i zentres e i oratories per l’animazion. Regoles e limitazions che empon na neva organisazion e n nef endrez de spazies, lesc, ativitèdes e jeghes.

Nos aon sentù al telefon Vanessa Tomasi, aministradora de la Coprativa sozièla Inout che se cruzia de endrezèr i projec Cistà e Istagran per i bec e joegn del zenter Fascia.

De più su La Usc stampèda de vender ai 22 de mé 2020.  (Monica Cigolla)