N liber per i 100 egn de Scola Alpina de la Finanza

Data

05 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L marescial Mariano Lollo, enciasà a Ciampedel e diretor del Museo de la Scola Alpina de Pardac, l’à metù ensema te na publicazion la storia, i projec, i retrac e i dessegnes per recordèr l cedean
L’é n muie la celebrazions che chesta aisciuda certa ne à emponù de sburlèr, descancelèr o endrezèr a na vida desferenta. Anter chestes l’é ence l cedean di 100 egn de la Scola Alpina de la Guardia de Finanza de Pardac, che era stata metuda sù del 1920, canche dò l tratat de Paris che aea mudà i confins de nosc raion l’era stat conscidrà l besegn de enjignèr i joegn melitères a se mever con capazità e segureza sa mont tel defener i neves confins.

Enlouta l’era stat cernù Pardac, col vejin raion de Role, desche lech adatà per meter sù na Scola de adestrament e la più veia strutura de chesta sort era nasciuda su na veia caserma durèda endèna la pruma gran vera.

Te chisc 100 egn chela de la Caserma de la Guardia de Finanza de Pardac, entitolèda al Maggiore Giovanni Macchi, l’é stat na storia de mures, ma soraldut de persones, la storia de n muie de joegn, de “Fiamme Gialle”, che se à formà no demò te la tecnica ma ence ti valores de coraje, determinazion e spirit de squadra.

Chesta storia ne vegn contèda ades, apontin en ocajion del prum cedean toron a doi zeri, te n liber che à per titol “La Caserma Giovanni Macchi” e che l rejona de la “storia de na caserma tel cher di Finanzieres”. L liber é stat metù ensema dal marescial Mariano Lollo, che l’é enciasà oramai da n muie de egn sun Pian de Ciampedel e che l’é ence diretor del Museo de la Scola Alpina de Pardac, che per chest cedean l’à endrezà ence na esposizion.


De più su la Usc nr 21 stampèda ai 29 de mé  (Lucia Gross)