La Usc di Ladins

Enceben l Covid e duc i problemes che l se porta dò, i prumes ghesć à scomenzà a ruèr te Fascia, e coscita ence la prenotazions per la sajon ciauda. Metui da na man donca, amancol en pèrt, i cruzies di gestores de la strutures de acolienza che i pel vardèr inant con maor otimism respet a acà pech temp, l'é ora de vardèr a la perferida che se pel ge sporjer ai turisć che darà l met a noscia val de repartir economicamenter. Na perferida che cognarà esser amò limitèda, soraldut ti lesc seré ite, e che la cognarà donca vardèr de se conzentrèr su la ativitèdes a l’averta.

Ti meisc passé aon sentù dir più che n'outa che la mont fossa stata cernuda dai ghesć percheche la sporc lesc averc e segures, olache se pel passèr l temp de fora, dalonc dai cruzies e... dal virus. Ge vel donca ge dèr a la jent l met de viver chesta esperienza, de se trèr ite i ciuzé grosc e se n jir sa mont. Ge vel, tinultima, che nesc troes sie nec, rencuré e da poder passèr fora, situazion nia segura a cauja di numerousc èlbres rebalté.

Per entener coche i é metui i troes da mont te la Val de Sora aon rejonà col referent Cai Sat Samuele Dioli, che l'à metù dant l bon lurier fat enscin ades. Da l'an passà dò i dejastres, canche se contèa passa 30 troes seré fora demò te la val de Sora, se é rué a n aer bele demò 4...


L'articol va inant su la Usc nr 24 stampèda ai 19 de jugn  (Daniele Verra)