L Museo Ladin e sia sezions sul teritorie

Data

08 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Chest istà, per via de la restrizions da Covid, la vijitèdes vidèdes cogn vegnir prenotèdes 
L Museo Ladin de Fascia à avert si ujes jà via per l meis de jugn e desche semper de messèl e aost i Servijes Educatives endreza la vijites vidèdes. Per garantir la sanità di utenc e aldò de la indicazions de la Provinzia de Trent per chel che vèrda la mesures da tor sù per l contegniment de l’emergenza sanitèra, podarà tor pèrt demò n numer limità de partezipanc, per chest l’é de obligh la prenotazion.

L Museo, con la neva instalazion multimediala de »la vivana e l cian« l’é avert enscin ai 10 de setember dal lunesc a la sabeda da les 10.00 a les 12.30 e da les 15.00 a les 19.00. Vigni mèrtesc da les 11.00 l’é la vijita vidèda con prenotazion de obligh al 0462 760182 al cost de 5 euro. 

La sezion destachèdes de: l Malghier aló da la Mèlga de Fascia a Pera e l Molin de Pezol (enscin ai 10 de setember), l Segat aló da la Sia de la Frazion de Poza sa Meida (enscin ai 4 de setember) e la Sia te Strèda de Ciamp Trujan a Penìa (enscin ai 3 de setember) é avertes dal lunesc a la sabeda da les 10.00 a les 12.00 e da les 16.00 a les 19.00. La sezion del Stont a Ciampedel enveze é averta enscin la fin de aost dal lunesc a la sabeda demò domesdì da les 16.00 a les 19.00.

Ence per la vijites vidèdes a la sezions sul teritorie l’é de obligh la prenotazion. De lunesc da les 11.00 l’é chela al Stont de Ciampedel, de mercol da les 10.30 se pel veder chela del Malghier e da les 16.00 l Molin de Pera, de jebia da les 11.00 la Sia de Penìa e de vender da les 11.30 l Segat sa Meida. L cost per la vijites vidèdes é de 3 euro, fora che per l Malghier che la é de 5 euro, debant per chi che à la Fassa Guest Card. La prenotazion cogn vegnir fata al numer de telefon 0462 760182, per l Molin se pel chiamèr ence al numer 0462 764089 e per l Stont ence l numer 0462 750330.