I resultac a la Scola ladina de Fascia

Data

10 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A la fin de chest an de scola coscita particolèr, dajon na veieda ai resultac de la matura e de l’ejam de terza mesèna
Dassen na matura fora de anter l’é stat chela che chest an à cognù fèr 79 studenc de la Scola ladina de Fascia. Apontin 38 candidac per l liceo artistich anter feguratif (5LAF) e design (5LAD), 23 per l liceo di lengac (5LLL) e 18 per l liceo scientifich (5LSA) i à cognù se confrontèr con la comiscions de sie professores intergn apede a n comissarie estern. Duc i candidac i é passé, fora che n studenc de la quinta artistich feguratif.

L’ejam de matura
Chest an a l’ejam, a cajon de l’emergenza sanitèra, no l’é stat fat i scric, ma demò n coloquie a ousc. I studenc i à cognù pontèr demez da n lurier fat a cèsa per dapòodò vegnir ejaminé su la materies selezionèdes dantfora dal MIUR e dal Consei de clas. Apede a chestes, na veièda ge é stata data a l’elaborat su la PCTO, la veia Alternanza Scola-Lurier, e se à rejonà de l’argoment »Zitadinanza e Costituzion«.

Podede troèr la valutazions tant de l'ejam de matura che de terza mesèna su La Usc de anché  (Nicoletta Riz)