»Sportives se nasc su la Dolomites e te Fascia«

Data

12 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’é pontà demez la rassegna de encontres a Poza che ogne lunesc sera auza fora i valores del sport travers la stories de si protagonisć. Doman, en lunesc ai 13 de messèl sarà William Basilico e l Fascia Bike
Per desvalives egn la protagonistes di evenc da d’istà endrezé dal Comitat Manifestazion de Sèn Jan l’é stat la stories de crepes e alpinism.
Chest an, te chest istà particolèr olache se ponta via da nef dò l bloch de la ativitèdes per via de l’emergenza Covid, »Enjoy Pozza«, l comitat manifestazions del comun de Sèn Jan vidà da la presidenta Mara Dorich e col suport de l’assessor Simone Zulian, l’à dezidù de mudèr.
La coordenadora del projet Virna Pierobon, enciarièda dal comitat, dò sacotanta valutazions l’à pissà de uzèr fora n tem nef ma autertant bon de contèr stories straordenères e tel medemo temp con reìsc fortes tel teritorie e tel lengaz de Fascia e de l’autra valèdes ladines.
L tem cernù fora chest an l’é l sport, con dut l’ensema de valores fogn che i lo caraterisea e che va aldelà del sport medemo, de gran valuta umana e sozièla.
Via per i meisc de messèl e aost donca sarà i gregn campions del sport che viventarà la seres da d’istà a Sèn Jan, sportives nasciui e cresciui dal pont de veduda sportif te Fascia o te la Dolomites, opura con n leam a chest raion per la impreses sportives che à segnà sia storia.

De più su La Usc 27 de vender ai 10 de messèl  (Cristina Marchetti)