Chest model turistich no va ben per Fascia

Data

01 de agost 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Fugatti à portà dant te Consei n emendament per la sospenjion de la lege Gilmozzi e l’assegnazion de neves volumes per cèses o cartieres per vacanza. Neva UAL e Sociazion Fitacartieres de contra
La é jita inant duta chesta setemèna la discuscion su l’assestament de bilanz te Consei de la Provinzia de Trent che pervedea 44 articoi e 8.500 emendamenc.
Anter chisc l’é ence chel de peis prejentà dal goernador Maurizio Fugatti per la »sospenjion« de la lege Gilmozzi su la seconda cèses, lege provinzièla nr 16 del 2005. Chest emendament perveit la possibilità de restruturazion de volumes che l’é jà per i destinèr a cèses o cartieres per vacanza o temp ledech. La Jonta aea jà proà a portèr dant chest mudament de mé del 2019 e ades con l Covid, ence per sblochèr l marcià turistich che ponta semper de più sui cartieres e su la cèses a cauja de la restrizions de l’epidemìa, l’à dezidù de dèr endodanef la possibilità de restruturèr la cèses ti 50 comuns classifiché a vocazion turistica da la medema lege Gilmozzi.
Chesta lege pervedea jà na quota de volumes per vacanza te ogne comun ma i limic, che podea esser del 10, 20 o 30% di volumes residenziai, era jà stac arjonc da temp. Ades con chest emendament la Jonta vel assegnèr neves volumes da poder restruturèr. En pratega duc podessa restruturèr si frabicac e domanèr l cambie de destinazion per fèr fora cartieres per vacanza e temp ledech. E chest te n trat de temp fin a la fin del 2021. I Comuns pel perveder con na varianta al pian regolator generèl la realisazion de cartieres te frabicac che é jà stac fac sù.

De più su La Usc 30 de vender ai 31 de messèl  (MCI/CRIM)