Cater ciacoles tedant a n depent

Data

09 de agost 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Enstadì é scontrà l’artist Claus Soraperra endèna che l depenjea sia ultima opera, e l me à contà…

Vigni dì se scontra persones. Vèlch outa de manco, te chest temp de gran lurier de più. Encontres da pech l più de la outes, raporc ocajionèi de lurier, n salut, n develpai e stajé ben. Vèlch outa enveze vèlch de più fon, vèlch che met a jir l cervel, che te lascia zeche da nef. Chest me é sozedù enstadì canche é scontrà l’artist fascian e professor Claus Soraperra de la Zoch, endèna che sui pents da pitor l ge dajea vita a sia ultima opera en orden de temp, opera che spere de poder ve despieghèr più inant. E coscita, ajache »No te cruzièr che posse rejonèr – l me à dit – che l’emisfer de la parola no l’é l medemo che doure a depenjer«, aon scomenzà a rejonèr de zeche frèdes Pizarei.
Ei, percheche a desferenza de chel che aee scrit acà pech temp, i doi utères laterèi de la gejia de Sènt Antone de Dèlba con la statues de Sèn Giosef e de la Madona dai 7 Dolores (che i é stac restauré de gra a la bonaman del grop de la Mescres de Dèlba e Penìa e che i vegnarà benedii via per de setember) i à n autor, i é stac apontin fac dai doi frèdes Soraperra nasciui ta Dèlba, Luige del 1863 e Jan Batista del 1865, cognosciui descheche i Pizarei.

De più su La Usc 31 de vender ai 7 de aost

 (Daniele Verra)