Cher e talent per recordèr l’amich Benjamin

Data

06 de setember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Al concors giornalistich e fotografich à tout pèrt ence autores fascegn. La mostra de la operes é da poder veder fin ai 6 de setember te Comun de Pardac
La sala del chino de Pardac era piena de jent en sabeda ai 29 de aost per la premiazion del concors »Cher e talent« entitolà a la fegura de Benjamin Dezulian, l joen da Pardac mort del 2017, de demò 26 egn, per esser slizià endèna che l fajea foto per n articol mìngol fora de paìsc. N joen n muie atif tel volontariat e con la pascion per l giornalism. Per chest jai trei egn la Sociazion culturèla »Amici di Benjamin« à metù sù chest concors per poder l recordèr con chel che ge piajea de più. La sociazion, vidèda dal president Marco Brigadoi, aea en program la zerimonia de premiazion e na mostra con duta la operes en concors, jà tel meis de mèrz ma dapò l coronavirus à fermà ence chesta scomenzadiva.
Chest an l concors giornalistich e fotografich pervedea trei sezions: tesć scric compagné da doi retrac e didascalìa, retrac con didascalìa e curc video, e doi argomenc da poder cerner: »Raccontare il volontariato« e »Cicatrici« con referiment al tormen Vaia e la ferides che l’à lascià sul teritorie.

De più su la Usc 35 de en vender ia 4 de setember  (Monica Cigolla)