Volesse scomenzèr via chesta neva lingia de mia rubriches con n argoment che me stèsc a cher e che cognessa vegnir dantfora, che cognessa vegnir rejonà dant che se peisse de se trèr ite n guant da fascian/da fascèna.
La valuta del guant, la posizion che tol ite n guant da zacan te n armer d’aldidanché, canche l’é insema a de auter guant, l respet che carenassa ge portèr. Per s’intener e la fèr curta: cotant »prezious« - e no intene in cont a scioldi - che l’é l guant! Chel che zacan no vegnìa dit o insegnà, ajache l’era lógich, ades ge vel l dir. Chela generazions che saea ge portèr respet al guant da zacan, a la tradizion de se trèr ite n guant che rejona de n popul, cheles imben no les é più. Aldidanché n’é amò de chi che se »recorda« de che che se fajea e che te majon se dijea che de n guant da zacan ge vel pa tegnir cont e ge vel pa l tegnir desche n oràcol.
Con n camejot no se va ogne moment, con n camejot ge vel portament, l guant ge vel che l sibie net e soprescià e che dut passenee coche carenea dant de jir fora per usc de majon.
Col guant da zacan no ge vel fèr vic, ge vel ge portèr respet e se recordèr che se à n guant teldos. Imben l guant l’é »sènt e benedet«.
De più su La Usc 35 di 4 de setember
(ClaudiaConta)
