Ai 5 de setember del 1946 Alcide De Gasperi e Karl Gruber, i doi ministres di Afares foresć de la Tèlia e de l’Austria de enlouta, i à firmà a Parigi, en ocajion de la Conferenza de pèsc, la cordanza che ge à fat fondament a l’autonomìa del Trentin-Sudtirol per poder stravardèr la popolazions de mendtanza linguistica de la region. Se trata de n unicum pervedù da la Costituzion talièna e recognosciù ence a livel internazionèl desche n ejempie dassen percacent per fèr fora costions teritorièles e leèdes al stravardament di deric de la mendranzes.
Ence la Provinzia de Trent ogne an ai 5 de setember la festejea sia Autonomia spezièla. La zerimonia ofizièla doman, sabeda ai 5 de setember da les 11:00 te Sala Depero, tel palaz de la Provinzia, chest an la no sarà averta al publich per rejons leèdes a la pandemia.
Fora per l domesdì, da mesa les trei fin mesa les set da sera, l’é pervedù desvaliva vijites vidèdes a la sentes istituzionèles di Palac Trentins, a la senta del Consei provinzièl e al Palaz de la Provinzia te Piaza Dante. L’azess l’é permetù demò se se à la prenotazion, che ge vel fèr dant di 4 de setember, manan na mail a cerimoniale@provincia.tn.it o chiaman l numer 0461 494612.
Doman te Sala Depero a Trent se festeja la giornèda de l’Autonomia
L’é pervedù vijites te la sentes istituzionèles, orides per l’ocajion, ma ge vel se resservèr l post
Galaria retrac
View the embedded image gallery online at:
https://www.lausc.it/valedes-ladines/fascia/13417-doman-te-sala-depero-a-trent-se-festeja-la-giorneda-de-l-autonomia#sigProId95f98b9752
https://www.lausc.it/valedes-ladines/fascia/13417-doman-te-sala-depero-a-trent-se-festeja-la-giorneda-de-l-autonomia#sigProId95f98b9752