La Usc di Ladins

L Comun general de Fascia fèsc a saer che ai 15 de setember del 2020 va fora i termins per portèr dant la domana de finanziament de la sociazions culturales de Fascia per projec de stravardament e doura del lengaz ladin te desvalives setores e per la ativitèdes ordenères sul Pian Organich de Politica Linguistica - an 2021.
Sul sit del Comun general se pel troèr i formulères da scriver ite e manèr per mail (tel respet de la normativa anti covid 19) a la direzion cultura@comungeneraldefascia.tn.it
La sociazions che à ciapà l contribut per la realisazion de projec per l lengaz e l’identità ladina sul Pian Organich per l’an 2020 les cogn portèr dant più prest che l’é meso la domana de liquidazion (formulèr ‘rendicontazion projec’) se l’atività é jà ruèda a compiment, soraldut se la speisa sostegnuda é stata mendra respet al contribut conzedù per via de la limitazions da covid 19 o etres motives.
Amò apede vegn domanà de segnalèr per mail se la sociazion no l’à podù portèr a compiment l projet per chel che l’aea fat domana e la enten donca renunzièr al contribut.
A chesta vida l’ent podarà durèr i fondi per autra eventuèla scomenzadives te l’ejercizie finanzièl 2020.
Se la sociazions vel realisèr te l’an 2021 i projec ametui a finanziament sul 2020, les podarà portèr dant na neva domana inant di 15 de setember del 2020.
En cajo de besegn l personal de l’ofize per i Servijes linguistics e culturai l’é a la leta per schiarimenc.