A la descorida del patrimonie storich de Ciampedel

Data

13 de otober 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ai 18 de otober l FAI endreza na vijita vidèda te paìsc sot ai piesc de Saslonch

D’uton i lèrjes se entenc de pomaranc e la foes di èlbres sgola pian pian jabas. E fosc apontin chesta l’é l’atmosfera giusta per jir endò tel temp. Per jir a recordèr la storia ti fabricac de na comunanza, che muda e va inant, zenza se fermèr, l FAIendreza na vijita vidèda al paìsc de Ciampedel averta a duc, con la colaborazion de l’Istitut Cultural Ladin e di Scizeres de Fascia e l patrozinie del Comun general e del Comun de Ciampedel.

L percors taca te piaz aló dal monument a la Guides, ge vel fèr la prenotazion sul sit FAI o, se l’é amò lèrga, sul post alódal banchet che vegn endrezà entorn la does domesdì, paan n contribut de amancol 3 euro. Vegnarà formà trei gropes de no più che 15 persones, da mesa les trei se pontarà demez con la pèrt generèla che revèrda l FAI e vèlch informazion generèla su Ciampedel e dò a roda sarà la trei tapes: l Stont, la gejia e l zenter. Se la prenotazions passa via i numeres pervedui vegnarà endrezà n secondo percors a tachèr da les 4 domesdì.

Daniela Brovadan, Erica Bernard e Gabriele Valentini l’é la guides che menarà i partezipanc a la descorida de la belezes de Ciampedel e farà cognoscer i aspec più enteressanc del borgo ladin. 

De più su La Usc 40 di 09 de otober