La Usc di Ladins

En lunesc ai cinch de otober te sala de comun de Cianacei se à dejout l prum consei de la neva aministrazion vidèda da l’ombolt Giovanni Bernard. La pruma sentèda, descheche perveit la lege, la é stata reta dal conseier d’età Luigi Dantone. A l’orden del dì l’era diesc ponts e duc i é stac aproé a l’unanimità, ence vedù che te consei no l’é nesciuna mendranza.
Dò aer ejaminà la condizions de candidabilità, elegibilità e incompatibilità de l’ombolt e di conseieres a la encèries, l’é stat fat l jurament del capocomun. Dò n fort batiman da man del consei e di sentadins prejenc, Bernard l’à portà dant la direzions de goern: enceben la critiches ciapèdes chest mandat de cinch egn l se prejenta fort e consapevol, l disc. L’é stat sotrissà l’emportanza de l’atenzion envers la spetadives e i besegnes di sentadins, la trasparenza e la colaborazion con i etres enc. L’é stat uzà fora la volontà de comedèr la mobilità e svilupèr l leam con l teritorie per fèr a na moda da miorèr la vivibilità de paìsc. N eie ascort sarà resservà a la cultura e a la manifestazions, con l didament ence de profescionisć da fora. Un di ponts de gran valuta che Bernard à prejentà l’é ence l recuperament e la valorisazion del patrimonie storich e naturalistich de la Marmolèda.

De più su La Usc 40 di 09 de otober  (Nicoletta Riz)