L fenomen de la ferata turistica seghita a crescer
Sostegnibilità ambientèla, inovazion tecnologica e segureza l’é i obietives che vida i projec de converscion del trasport da goma a scina e i studies su la mobilità coletiva, condividuda e integrèda. Dò chest troi – spiega Massimo Girardi, president de Transdolomites - la Comiscion Europeèna vel rebadir so empegn te la batuda al mudament climatich e la met dant n’autra azion concreta per sostegnir la realisazion di obietives del Green Deal european: l’à
View the embedded image gallery online at:
https://www.lausc.it/valedes-ladines/fascia/13853-europa-e-telia-verda-al-potenziament-del-trasport-sun-scina-e-nos#sigProId250b77c07c
https://www.lausc.it/valedes-ladines/fascia/13853-europa-e-telia-verda-al-potenziament-del-trasport-sun-scina-e-nos#sigProId250b77c07c
L trasport sun scina l’à gran potenzialitèdes ence tel setor del turism. No per nia la Tèlia se à jà moet te chest ciamp e l’à declarà l 2020 an de la ferata turistica. L fenomen de la ferata turistica l seghita a crescer: per ejempie del 2019 la ferates storiches de la Fondazion FS taliènes à portà presciapech 100 mile persones a la descorida di lesc più da marevea de la Tèlia.
Per noscia valèdes la soluzion la é jà
La ferata de la valèdes de la Veisc troa dachelanvìa n ruol prezis e strategich. La raprejentassa l maor trasport regionèl ajache la leassa la valèdes col rest del mond e la doventassa n tassel fondamentèl tel contest del projet de auta velozità de la ferata del Prener e pèrt del projet european del portech TEN-T (Trans European Networks-Transport) che colearà l Nord de l’Europa con la Sizilia.
Ge vel pissèr a soluzions che dae respostes ai besegnes del davegnir e no del passà. Ai 23 de otober Transdolomites à sotescrit l contrat che ge dèsc sù al Studie tecnich IBV Hüsler AG de Zurigo l’encèria de realisèr l studie «Ferata de la valèdes de la Veisc, valutazion de n coleament sun ferata anter Trent e la valèdes de la Veisc».
De più su La Usc 44 de vender ai 6 de november 2020. (Monica Cigolla)